Те готьне: «Готьна хwәш бьһара дьлан ә».
У Иса гот: «Һәр кәсе кӧ гӧһ бьдә готьнед мьн у баwәрийа хwә wи бинә, йе кӧ әз шандьмә, жийина wийә һʼәта-һʼәтайе һәйә». Йуһʼәнна 5:24.
Әва дәфтәра хәбате бона wан мәрьва һатә һазьркьрьне, йед кӧ дьхwазьн Иса Мәсиһ баш нас кьн у бьзаньбьн: гәло хәбәред wи рʼаст ьн йан на? Һәр тьште кӧ мәрьв сәр дьсәкьнә, хwәха дьшьрмиш дьбә, әв йәк фькьред wида дьминә, кʼур дькʼәвә дьле wи у шин дьбә.
Ләма гәләк пьрс нав ван дәрсада һәнә, wәки хwәндәван бькарьбә бь хwәндьна Кʼьтеба Пироз щабед хwә бьбинә.
Мәрьвәк бь тʼәне дькарә бь ван дәрса мьжул бә у зәʼф же бьстинә, ле һәгәр чәнд һәвал тʼәв һәв рʼунен у бьфькьрьн, әwе һе зәʼф тьштед һʼәwаскʼар Кʼьтеба Пирозда бьбиньн, чьмки аqьл аqьла зедәтьр ә. Бьра һәр кәс фькьред хwә бежә, бь ви щурʼәйи һуне жь һәвдӧ һин бьн.
У әв жи пʼьрʼ qимәт ә: Һуне баш бь зьмане хwәйи Кӧрманщи бьньвисьн.
Бьра Хӧдане мә Иса Мәсиһ жийина һʼәта-һʼәтайе бьдә wә.
